manchester

October 19, 2025

Caawa, magaalada Liverpool, gaar ahaan garoonka caanka ah ee ANFIELD, waxa ka dhacday taariikh la qoro! Manchester United ayaa guul dahab ah oo 2-1 ah ka soo gaartay xafiiltankeeda weyn ee Liverpool. Guushani ma ahayn mid caadi ah, ee waa mid xambaarsan rikoorro badan oo muddo dheer la sugayay, waxaana la dhihi karaa, “Libaax Qoyay Bisad Ha Moodin,” maxaa yeelay United waxay caddeysay in xaaladdeeda adag aysan ka dhignayn mid la sahlan karo.
Guushii La Sugayay ee Anfield: 10 Sano Kadib!
Ugu horrayn, Manchester United waxay soo afjartay abaartii dheerayd ee ka haysatay garoonka Anfield. Tan iyo 2016 (guushii Wayne Rooney ku keensaday), ma jirin guul ay Red Devils Premier League ka gaarto guriga Liverpool. Laakiin caawa, 19-ka October, 2025, ayaa rikoodhkaas la jebiyay. Kuma filna, laakiin United waxay markii ugu horreysay muddo dheer gaartay labo guul oo isku xigta oo ay ka gaarto Liverpool (iyadoo la xusuusto guushii FA Cup-ka ee 4-3 ahayd xilli ciyaareedkii hore). Tani waa calaamad muujinaysa in kooxda ay ku soo laabanayso wadadii guusha ee ka dhanka ah xafiiltankeeda ugu weyn.
Rikoodh Taariikhi Ah: Afar Guuldarro oo Xiriir ah Liverpool!
Intaas oo keliya ma’aha! Liverpool, oo ahayd kooxda haysatay horyaalka Premier League, ayaa caawa la kulantay guuldarradeedii afaraad oo isku xigta dhamaan tartamada! Taas oo ah markii ugu horreysay ee ay afarta ciyaar oo xiriir ah garaacaan tan iyo 2014. Waxay u muuqataa in Arne Slot iyo xiddigihiisa ay ku jiraan xaalad aad u adag oo ay tahay inay xal degdeg ah u helaan.
Goobaha lagu kala calaf qaaday ee garoonka, United ayaa muujisay shaqsiyad iyo kalsooni, iyadoo si degdeg ah ciyaarta ugu bilaabatay gool uu dhaliyay Bryan Mbeumo daqiiqadihii ugu horreeyay. Inkastoo Cody Gakpo uu u soo celiyay Liverpool ciyaarta, haddana Harry Maguire ayaa gool madax ah oo cajiib ah oo waqtigii dambe keenay guusha United.
Qosolka Arsenal & Man City
Guuldarradan Liverpool soo gaartay, gaar ahaan sida xun ee ay u ciyaareen, waxay fursad weyn u tahay kooxaha Arsenal iyo Manchester City. Labada kooxood ee xafiiltanka ugu weyn kula jira Liverpool ee tartanka horyaalka ayaa hadda farxad weyn ka qaadaya, maadaama Liverpool ay lumisay dhibco muhiim ah oo ay ku ilaashan lahayd booskeeda sare ee kala horreynta. Qosolkoodu maaha mid lagu eedeyn karo, maxaa yeelay waxay arkaan kooxdii ay la tartamayeen oo dhiig baxaysa.
Falanqaynta Ciyaarta iyo Fariinta United
Ciyaarta, Manchester United waxa ay muujisay inay ku soo laabanayso heerkeedii, gaar ahaan dhanka difaaca iyo weerarka degdegga ah. Inkastoo ay weli jiraan meelo ay u baahan yihiin inay hagaajiyaan, kalsoonida ay ka heleen guushan taariikhiga ah ee Anfield ayaa noqon karta bilowga waddo cusub oo guul ah.
Fariinta ay United u dirtay dunida kubadda cagta waa mid cad: “Libaax qoyay bisad ha moodin.” Inkastoo ay waqti adag soo mareen, haddana Man United weli waa koox weyn oo awood u leh inay guulo ka gaarto meel kasta.
Waa la arki doonaa sida Liverpool uga soo kabsato guuldarradan xanuunka badan iyo haddii Ruben Amorim (macallinka United) uu guushan u beddeli karo isbeddel joogto ah oo wanaagsan.
Maxay kula tahay falanqayntan? Aragtidaada hoos noogu reeb!

Leave a comment Cancel reply

Lionel Messi oo Inter.

Mikel Arteta Oo Farta.

🌎 HERE WE GO!.